एनआइसी एसिया बैंकका ग्राहकले इन्द्रप्रस्थ मेडिकल कर्पोरेसन लिमिटेड (अपोलो हस्पिटल), नयाँदिल्लीमा उपचार गराउँदा १० प्रतिशतसम्मको छुट पाउने भएका छन् । छुट सम्झौताबारे बैंकका सहायक प्रमुख कार्यकारी अधिकृत राजेश रावल र इन्द्रप्रस्थ मेडिकलका प्रबन्धक विपिन शर्माले हस्ताक्षर गरेका छन् ।
बैंकका अनुसार उक्त हस्पिटलमा इन–प्यासेन्ट रुम चार्ज, प्रिभेन्टिभ हेल्थ चेक प्याकेज तथा एटेन्डिज हेल्थ चेकअप सेवामा १० प्रतिशतका साथै आउट प्यासेन्ट इन्भेस्टिगेसनमा पाँच प्रतिशत छुट हुनेछ । त्यस्तै, कम्प्लिमेन्ट्री रजिस्ट्रेसन शुल्क र एक्सेस टु इन्टरनेसनल प्यासेन्ट लाउन्जजस्ता सुविधासमेत उपलब्ध हुने बताइएको छ ।
यसैगरी, काठमाडौंस्थित अपोलो इन्फर्मेसन सेन्टरमार्फत अपोइन्टमेन्ट लिने बैंकका ग्राहकलाई नयाँदिल्लीको एयरपोर्टबाट होटेल–हस्पिटलसम्म यातायातको थप सुविधासमेत उपलब्ध हुने बैंकले जनाएको छ ।उक्त सुविधा उपयोग गर्न ग्राहकले यस बैंकको डेबिट कार्ड वा क्रेडिट कार्डमार्फत भुक्तानी गर्नुपर्नेछ ।
उक्त हस्पिटलसँगको यस सहकार्यले यस बैंकका ग्राहक महानुभावलाई स्वास्थ्य उपचारमा सहुलियत हुने बैंकले विश्वास लिएको छ ।
