आइतबार सेयर बजार परिसूचक नेप्से ५७.५५ अंकले बढेर २७७२.१७ विन्दु पुगेको छ । यो २.१२ प्रतिशतको वृद्धि हो । आइतबार कारोबारमा आएकामध्ये आठ कम्पनीको सेयर मूल्य १० प्रतिशतले बढेको छ ।
एसवाई प्यानल, श्रीनगर एग्रिटेक इन्डस्ट्रिज, नेपाल माइक्रो इन्स्योरेन्स कम्पनी, बन्दीपुर केबलकार, हिमस्टार ऊर्जा कम्पनी, माबिलुङ इनर्जी, रिलायन्स फाइनान्स र अंखु खोला जलविद्युत्को सेयर मूल्यमा उच्च वृद्धि भएको हो । सबै समूहका परिसूचकमा वृद्धि भएको छ । सर्वाधिक वृद्धिदर होटेल तथा पर्यटन समूहको छ ।
कुल १३ अर्ब ७८ करोड ५७ लाख रुपैयाँको कारोबार भएको छ । तीन करोड नौ लाख १५ हजार एक सय ८३ कित्ता सेयर किनबेच भएको छ । बजार पुँजीकरण ४६ खर्ब ५४ अर्ब कायम भएको छ ।
See More On
