गैरआवासीय नेपाली संघ (एनआरएनए)को आगामी महाधिवेशनको मूल आयोजक कमिटी गठन गर्न परराष्ट्रमन्त्री बालानन्द शर्मासँग प्रतिनिधिले माग गरेका छन् ।
२३–२५ फेब्रुअरी ०२६ मा काठमाडौंमा आयोजना हुने १२औँ एनआरएनएको महाधिवेशनका लागि परराष्ट्रमन्त्रीको अध्यक्षतामा नेपाल सरकार उच्चस्तरीय आयोजक समिति गठन गर्ने व्यवस्था छ ।
३० नोभेम्बर २०२५ मा भएको बृहत् एकता सहमतिअनुसार सो मितिमा १२औँ महाधिवेशन तथा अन्तर्राष्ट्रिय सम्मेलन हुँदै छ । मन्त्रालयमा गैरआवासीय नेपाली संघका अध्यक्षद्वय डा. बद्री केसी र महेश श्रेष्ठको नेत्तृत्वमा गएको प्रतिनिधिमण्डलसँग परराष्ट्रमन्त्री शर्माले एनआरएनएको महाधिवेशन विधानअनुसार सञ्चालन गर्दा उपयुक्त हुने सुझाव दिए ।
भेटमा अध्यक्ष श्रेष्ठले संघको १२औँ महाधिवेशन बृहत् एकतापछि आयोजना गर्न लागिएको र एकता सुदृढ बनाउन काम गरिरहेको जानकारी बताए ।
See More On
