नेपाली कांग्रेसले केन्द्रीय कार्यसम्पादन समिति बैठकको समय परिवर्तन गरेको छ। पार्टीका मुख्यसचिव कृष्णप्रसाद पौडेलद्वारा मंगलबार बिहान जारी सूचनाअनुसार बैठक अब दिउँसो १ बजे बस्नेछ।
यसअघि उक्त बैठक बिहान ११ बजेका लागि तोकिएको थियो। बैठकमा आगामी ११ माघमा हुने राष्ट्रिय सभा निर्वाचनका लागि पार्टीको तर्फबाट उम्मेदवार चयन र सम्भावित चुनावी सहकार्यबारे छलफल हुने जनाइएको छ।
सोमबार सम्पन्न बैठकमा कार्यवाहक सभापति पूर्णबहादुर खड्काले राष्ट्रिय सभा निर्वाचनमा अपनाइने चुनावी रणनीति र तालमेलका विषयमा केन्द्रीय सदस्यहरूलाई जानकारी गराएका थिए।
राष्ट्रिय सभा निर्वाचनलाई लक्षित गर्दै कांग्रेस, नेकपा एमाले र नेपाली कम्युनिस्ट पार्टीबिच चुनावी सहकार्यको तयारी अन्तिम चरणमा पुगेको बताइएको छ।
See More On
