आन्तरिक उत्पादन र सेवा क्षेत्रको वुद्धिमा खासै सुधार नभएकाले वैदेशिक व्यापारको असन्तुलन कायम नै रहेको छ । भन्सार विभागका अनुसार चालू आर्थिक वर्ष ०८१–८२ को पहिलो तीन महिना (साउन–असोज)मा तीन खर्ब ९० अर्बबराबरको वस्तु तथा सेवा आयात भएको छ भने ३८ अर्ब ३७ करोड रुपैयाँको निर्यात भएको छ ।
तथ्यांकअनुसार आयात–निर्यात घट्ने क्रमले निरन्तरता पाइरहेको छ । गत आव ०८०–८१ को पहिलो तीन महिनामा ४ खर्ब सात करोडको आयात र ४० अर्ब ८७ करोडको निर्यात भएको थियो । सेवा क्षेत्रको विस्तार र औद्योगिक उत्पादन वृद्धिमा विगतदेखि नै सरकारले ठोस कार्ययोजना लागू गर्न नसक्दा मुलुकको अर्थतन्त्र आयातमा निर्भर छ ।
उत्पादन कमजोर हुँदा निर्यात प्रवद्र्धन हुन सकेको छैन । तीन महिनामा सबैभन्दा धेरै गलैँचा २ अर्ब ९३ करोड रुपैयाँको निर्यात भएको विभागको तथ्यांक छ । त्यसपछि कालो चिया फेल्ट, धागो, अलैँची, जुस, जटको फेब्रिक, रोल्ड आइरन, प्लाई, सर्सिउँको पिना, भटमासको धेरै तेल निर्यात हुने गरेको छ ।
मुलुकमा सबैभन्दा धेरै पेट्रोलियम पदार्थको आयात हुने गरेको छ । तीन महिनाको अवधि ६३ अर्ब ६५ करोड रुपैयाँको पेट्रोलियम आयात भएको भन्सार विभागले जनाएको छ ।
