रेजिना पाण्डेको कथासंग्रह ‘अस्तित्व’ सार्वजनिक

लेखिका रेजिना पाण्डेले ‘अस्तित्व’ कथासंग्रह ल्याएकी छिन्। उनको यो तेस्रो कृति हो। यसअघि ‘अविरल पानाहरू’ र ‘सुख खोज्दाका दिनहरू’ कवितासंग्रह प्रकाशित भइसकेका छन् ।

कथासंग्रहमा १७ कथा समावेश छन्। सबै कथा प्रेम र नारीभावलाई केन्द्रमा राखेर लेखिएको छ। विगतका कृतिबाट प्रोत्साहन मिलेपछि आफूले यस कथासंग्रह ल्याएको लेखिका पाण्डेले बताइन् ।

कथाकारले आफ्ना कथाहरूमा निकै सजिलोसँग स्वास्नीमानिसका असहजतालाई केलाएको लेखक तथा पत्रकार मणि लोहनी बताउँछन्। उनी भन्छन्, ‘जिन्दगी बाँच्ने क्रममा एउटी महिलाले भोग्ने हरेक दुर्दशालाई उनका कथामा पढ्न पाइन्छ ।’