पहिलो खेलमा पराजित भारतले त्यसपछिका तीनै खेल जित्दै सिरिज आफ्नो पक्षमा पार्यो
जिम्बावेविरुद्धको तेस्रो टी–२० खेलमा भारत १० विकेटले विजयी भएको छ । हरारेमा भएको चौथो खेल जितेसँगै भारतले सिरिज एक खेलअघि नै जितेको छ । पहिले ब्याटिङ गरेको जिम्बाब्वेले सात विकेट गुमाउँदै एक सय ५३ रनको लक्ष्य प्रस्तुत गरेको थियो । प्रत्युत्तरमा भारतले १५.२ ओभरमा जित निकालेको थियो ।
पहिलो खेल हारे पनि भारतले लगातार तीन खेल जितेको हो । अन्तिम तथा पाँचौँ खेल आइतबार हुनेछ । पहिलो खेलमा घरेलु टोली जिम्बाब्वे १३ रनले विजयी भएको थियो । दोस्रो खेलमा एक सय रनले जित निकाल्दै भारतले सिरिज १–१ को बराबरी गरेको हो । तेस्रो खेल पनि भारतले २३ रनले जितेको थियो ।
आइसिसी टी–२० विश्वकपछि भारतले युवा टोलीलाई जिम्बाब्वे भ्रमणमा पठाएको थियो । आफ्नो पहिलो कप्तानीमा गिल देशलाई सिरिज जिताउन सफल भएका छन् । यसै खेलबाट चेन्नई सुपर किंग्सका तीव्रगतिका बलर तुसार देशपान्डेले डेब्यु गरेका छन् । भारतको जितमा ओपनरद्वय यसश्वी जैसवाल र कप्तान शुभमन गिलले अर्धशतक बनाए ।
जैसवालले एक्लै ९३ रन बनाए । विश्वकप जित्ने टोलीको बेन्चमा रहेको जैसवालले पहिलो खेलमै आफूलाई प्रमाणित गरेका छन् । सिरिजमा पहिलो खेल खेलेका उनले ५३ बलमा १३ चौका र २ छक्का हिर्काएका थिए । गिलले ३९ बलमा ६ चौका र दुई छक्कासहित ५८ रन बनाए । जिम्बावेले ६ बलर प्रयोग गरे पनि विकेटविहीन भएका थिए ।
