प्रतिनिधिसभाको आजको बैठकमा पनि ‘विनियोजन विधेयक, २०८१’ अन्तर्गत विभिन्न चार मन्त्रालयका विनियोजित रकममाथि छलफल जारी छ।
आजको बैठकमा सहरी विकास मन्त्रालय, रक्षा मन्त्रालय, महिला, बालबालिका तथा ज्येष्ठ नागरिक मन्त्रालय र कानुन, न्याय तथा संसदीय मामिला मन्त्रालयका शीर्षकको खर्च रकममा छलफल भएको हो।
ती मन्त्रालयका उल्लिखित रकम घटाइयोस् भनी विभिन्न ६ जना सांसदले राखेका खर्च कटौतीका प्रस्ताव बहुमतले अस्वीकृत भएका थिए।
उक्त प्रस्ताव राख्ने सांसदहरूमा प्रेम सुवाल, डा. अमरेशकुमार सिंह, अजरकुमार चौरासिया, राजेन्द्रकुमार केसी, सुरेन्द्रराज आचार्य र जीवन परियार थिए।
