आइसिसी पुरुष विश्वकप लिग– २ को अन्तिम त्रिकोणात्मक शृंखलाको दोस्रो खेलमा नेपाल र युएई आमने–सामने भएका छन् ।
एकदिवसीय मान्यता जोगाउने महत्वपूर्ण मानिएको यो खेलमा नेपालले टस जितेर पहिले ब्याटिङ रोजेको छ । आज पनि नेपालका लागि कुशल भुर्तेल र आसिफ शेखले ब्याटिङ सुरुवात गरेका छन् ।
कीर्तिपुरस्थित त्रिवि खेलमैदानमा सुरु खेलमा संयुक्त अरब इमिरेट्स (युएई)लाई हराएको खण्डमा नेपालले चार वर्षका लागि एकदिवसीय मान्यता जोगाउनेछ
घरेलु मैदानमा जारी त्रिकोणात्मक शृंखलाको दोस्रो खेलमा नेपालले युएईको सामना गरेको हो । नेपालले सिरिजको पहिलो म्याचमा पपुवा न्युगिनीलाई हराएको थियो ।
आजको खेल जित्दै नेपाल आगामी चार वर्षका लागि एकदिवसीय मान्यता जोगाउन चाहन्छ । साथै, विश्वकप छनोटको सम्भावना कायम राख्नेछ । हारले भने विश्वकप छनोटका लागि प्लेअफ खेल्नुपर्नेछ ।
युएईका लागि एकदिवसीय मान्यता जोगाउन आजको खेल निकै महत्वपूर्ण छ । आजको खेल हारे गणितीय सम्भावना मात्र बाँकी हुनेछ ।
