- वि.सं २o७९ कार्तिक २७ आइतबार
नेपालले महिला क्रिकेटतर्फ ठूलो प्रतियोगिता आयोजना गर्ने ऐतिहासिक अवसर पाएको छ । आइसिसीले नेपाललाई बंगलादेशसँग मिलेर सन् २०२७ को अन्डर– १९ महिला टी– २० विश्वकप आयोजना गर्ने अवसर प्रदान गरेकाे छ ।
नेपालले पहिलोपटक कुनै पनि विश्वकप आयोजना गर्ने मौका पाएको हो । आइसिसीले आइतबार सन् २०२७ मा महिलातर्फको यू– १९ विश्वकप आयोजना गर्ने देशको नाम सार्वजनिक गरेको हो ।
जसमा नेपालले बंगलादेशसँग मिलेर यू– १९ महिला टी–२० विश्वकपको आयोजना गर्नुपर्नेछ । ०२४ को यू– १९ पुरुष विश्वकप भने श्रीलंका, सन् २०२६ को पुरुष यू– १९ विश्वकप जिम्बाबे र नामिबियाले आयोजना गर्ने भएका छन् । यस्तै, सन् २०२५ को यू– १९ महिला विश्वकप मलेसिया र थाइल्यान्डले आयोजना गर्ने भएका छन् ।
