- वि.सं २o७९ कार्तिक १५ मंगलबार
ललितपुरको सुनाकोठीमा धारिलो हतियार प्रयोग गरी एकजनाको बीभत्स हत्या भएको छ। ललितपुर महानगरपालिका– २७ सुनाकोठीमा डेरामा बस्दै आएका अन्दाजी ३५–४० वर्षीय रामचन्द्र राईको हत्या भएको हो ।
जिल्ला प्रहरी परिसर ललितपुरका एसपी सुधीरराज शाहीका अनुसार रामचन्द्रको हत्या आरोपमा घटनालगत्तै सँगै डेरा गरी बस्दै आएका ४१ वर्षीय राजेन्द्र राईलाई प्रहरीले पक्राउ गरेको छ । भाग्दै गरेको अवस्थामा राजेन्द्रलाई प्रहरीले सुनाकोठीबाटै पक्राउ गरेको थियो ।
उनीहरू दुवैजना चिनजानका भएको एसपी शाहीले जानकारी दिए । उनका अनुसार दुवैजनाले मादक पदर्थ सेवन गरेपछि विवाद र झगडा सुरु भएको थियो । सोही क्रममा राजेन्द्रले धारिलो हतियार प्रयोग गरी रामचन्द्रको हत्या गरेको प्रारम्भिक अध्ययनबाट खुलेको छ । हत्या आरोपी राजेन्द्रलाई महानगरीय प्रहरी वृत्त चापागाउँको हिरासतमा राखिएको छ ।
2024-09-18-01-30-27.gif)
2024-09-18-01-30-29.gif)
