- वि.सं २o७९ असोज १४ शुक्रबार
सन्राइज क्यापिटल लिमिटेडले २५ प्रतिशत नगद लाभांश वितरण गर्ने प्रस्ताव गरेको छ । कम्पनीको सञ्चालक समितिको १२३औँ बैठकले आर्थिक वर्ष ०७८/०७९ को मुनाफाबाट उक्त लाभांश दिने प्रस्ताव भएको हो । कम्पनीको आगामी बाह्रौँ वार्षिक साधारणसभा सम्पन्न भई पारित भएपश्चात् लाभांश वितरण गर्ने कम्पनीले जानकारी गराएको छ ।
कम्पनीले हाल सेयर निष्कासन, १८ वटा कम्पनीको सेयर रजिष्ट्रार कार्य, लगानी व्यवस्थापन सेवा, सेयर प्रत्याभूतिलगायत सन्राइज सामूहिक लगानी कोषअन्तर्गत सन्राइज फस्ट म्युचुअल फन्ड र सन्राइज ब्लुचिप फन्ड गरी दुईवटा बन्दमुखी योजना सञ्चालन गर्दै आएको छ । निकट भविष्यमा नेपाल धितोपत्र बोर्डबाट स्वीकृत भएपश्चात् थप एक बन्दमुखी सन्राइज फोकस्ड इक्विटी फन्ड सञ्चालन गर्ने योजना रहेको छ ।
