निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज ११ मंगलबार
  • Tuesday, 27 September, 2022
नयाँ पत्रिका जनकपुरधाम
२०७९ श्रावण ३० सोमबार ०६:५८:००
Read Time : < 1 मिनेट
समाचार प्रिन्ट संस्करण

संघ सरकारविरुद्ध मधेस प्रदेशका मुख्यमन्त्री नै धर्नामा

Read Time : < 1 मिनेट
नयाँ पत्रिका, जनकपुरधाम
२०७९ श्रावण ३० सोमबार ०६:५८:००

प्रहरी समायोजनको माग गर्दै मधेस प्रदेश सरकारले संघ सरकारविरुद्ध आन्दोलनमा उत्रेको छ । मधेस प्रदेशका मुख्यमन्त्री मोहम्मद लालबाबु राउतसहित मन्त्रीहरू आइतबार बिहान साढे ११ बजेदेखि धर्नामा बसेका हुन् । पूर्वघोषित कार्यक्रमअनुसार आइतबारदेखि एक सातासम्म दैनिक दुई घन्टा प्रदेशका मन्त्रीहरू, सांसद तथा नागरिक समाजका अगुवा धर्नामा बस्ने कार्यक्रम छ । 

मुख्यमन्त्री राउतले प्रहरी समायोजनको विषयमा प्रधानमन्त्री शेरबहादुर देउवासहित गठबन्धनका शीर्ष नेताहरूलाई लिखित तथा मौखिक रूपमा ज्ञापनपत्र बुझाए पनि कुनै सुनुवाइ नभएकाले आफूहरू धर्नामा बस्न बाध्य भएको बताए । संविधानको अनुसूची ६ को १ मा प्रदेश प्रहरी गठन तथा प्रदेशको शान्ति सुरक्षा प्रदेश सरकारले गर्ने उल्लेख भए पनि त्यसको कार्यान्वयनमा संघीय सरकारले चासो नदिँदा दबाब दिने उद्देश्यले धर्ना कार्यक्रमको अयोजना गरिएको उनको भनाइ छ ।

‘प्रदेश सरकार गठन भएको झन्डै पाँच वर्ष हुन लागेको छ । हामीले प्रदेश प्रहरी ऐन बनाएको पनि दुई वर्षभन्दा बढी भइसकेको छ,’ राउतले भने, ‘संघीय प्रहरी ऐन र प्रहरी समायोजन ऐन पनि आएको करिब एक वर्ष नै भयो । तर, संघीय सरकारले यो विषयमा चासो दिएन ।’