- वि.सं २o७९ असार २४ शुक्रबार
नवलपुरको विनयी त्रिवेणीबाट हराइरहेका २१ महिने बालक मृत अवस्थामा भेटिएका छन्। असार १५ गतेदेखि हराइरहेका २१ महिने बालक ९ दिनपछि आज मृत अवस्थामा फेला परेको इलाका प्रहरी कार्यालय दुम्कीबासले जनाएको छ।
विनयी त्रिवेणी गाउँपालिका वडा नं. ७ शिवपुरगढीबाट हराएका मनी थापाका २१ महिनाका छोरा प्रज्वल थापा घरभन्दा ४ किलोमिटर टाढा गण्डक नहरनजिकैको साइफनमा मृत अवस्थामा भेटिएका हुन्। प्रहरीका अनुसार शव सडेको अवस्थामा पानीमा तैरिएर बसेको थियो। घरनजिकबाट बगेको कुलोमा परेर बालकलाई बगाएर टाढा पुर्याएको हुन सक्ने प्रहरीले अनुमान गरेको छ।
