- वि.सं २o७९ असार २२ बुधबार
यस अजोड इन्स्योरेन्स लिमिटेडले आफ्नो चौथो वार्षिकोत्सव रक्तदान तथा वृद्धवृद्धालाई सहयोग गरेर मनाएको छ । कम्पनीले आयोजना गरेको कार्यक्रममा ३३ जनाले रक्तदान गरेका तथा संस्थागत सामाजिक उत्तरदायित्वअन्तर्गत काठमाडौंको गोंगबुमा रहेको हिमालयन वृद्धाश्रममा आश्रित ४३ जना वृद्घवृद्घाका लागि खाद्यान्न सहयोग गरेको हो ।
सहयोगस्वरूप उपलब्ध गराइएको खाद्यान्न टोखा नगरपालिकाका मेयर प्रकाश अधिकारी र अजोडका प्रमुख कार्यकारी अधिकृत कुमारबहादुर खत्रीले संयुक्त रूपमा वृद्घाश्रमकी अध्यक्ष सरला पन्थीलाई हस्तान्तरण गरेको जनाइएको छ ।
कम्पनीले हाल देशभरमा प्रधान कार्यालयलगायत सात प्रादेशिक कार्यालय, २९ शाखा, २५ उपशाखा कार्यालयहरू, ११ बिमा काउन्टर र ३ तेस्रो पक्ष बिमा काउन्टरमार्फत सेवा दिँदै आएको जनाएको छ ।
हालसम्म कम्पनीमा तीन सय २३ कर्मचारी, चार सय ५९ आधारभूत निर्जीवन बिमा अभिकर्ता, तीन सय १७ कृषि तथा पशुपक्षी बिमा अभिकर्ता, ३९ जना कृषि तथा पशुपक्षी क्षति मूल्यांकनकर्ता र एक सय २२ जना बिमा सर्भेयरहरू सूचीकृत रहेको जनाएको छ ।
