- वि.सं २o७९ असार १५ बुधबार
बलात्कार आरोपमा बैतडीको मेलौली नगरपालिका- १ का वडाध्यक्षलाई प्रहरीले पक्राउ गरेको छ। मेलौली- १ का वडाध्यक्ष शरदसिंह नेगीसहित दुईजनालाई नियन्त्रणमा लिएको जिल्ला प्रहरी कार्यालयका प्रवक्ता लोकराज जोशीले बताए ।
नवनिर्वाचित वडाध्यक्ष नेगी र स्थानीय केशवसिंह नेगीलाई गिरफ्तार गरेको उनले बताए । वडाध्यक्ष नेगी गएको स्थानीय तह निर्वाचनमा एमालेबाट निर्वाचित बनेका थिए ।
पीडित महिलाको उजुरीको आधारमा अनुसन्धान सुरु गरेको प्रहरीले बताएको छ।
