- वि.सं २o७९ असार १३ सोमबार
काठमाडौं महानगरपालिका वडा नम्बर ७ को सिफलमा निःशुल्क दन्त स्वास्थ्य शिविर सञ्चालन भएको छ । ओम समाज डेन्टल हस्पिटलको सहयोगमा सिफलका स्थानीय बासिन्दाले उक्त शिविर सञ्चालन गरेका हुन् ।
स्थानीय समाजसेवी सुमन महतको अध्यक्षतामा भएको शिविरमा तीन सयभन्दा बढी व्यक्तिको दन्त परीक्षण गरिएको स्थानीय बासिन्दा डिके सिंहले बताए । शिविरमा आएकामध्ये धेरैजसोको दाँतमा किरा लाग्ने समस्या देखिएको उनको भनाइ छ । शिविरमै निःशुल्क दाँत सफा गरिएको र माइक्रो ल्याब नामक कम्पनीको सौजन्यमा प्राप्त औषधि पनि निःशुल्क वितरण गरिएको सिंहले जानकारी दिए ।
शिविर सञ्चालनका क्रममा नजिकै रहेको बाल व्यवसायी केन्द्रमा रहेका ७० जनाभन्दा बढी अनाथ बालबालिकाको पनि दन्त परीक्षण गरिएको थियो । स्वास्थ्यका कारण शिविरमा आउन नसकेका बालबालिकालाई बाल व्यवसायी केन्द्रमै गएर परीक्षण गरिएको सिंहले जानकारी दिए ।
