मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १६ शुक्रबार
  • Friday, 29 March, 2024
नयाँ पत्रिका नुवाकाेट
२०७९ जेठ ११ बुधबार ०८:३२:००
Read Time : < 1 मिनेट
समाचार डिजिटल संस्करण

बेलकोटगढी नगरपालिकाका मेयरको पहिलो निर्णय : बालबालिका, ज्येष्ठ नागरिक र अशक्तका लागि नि:शुल्क एम्बुलेन्स सेवा

Read Time : < 1 मिनेट
नयाँ पत्रिका, नुवाकाेट
२०७९ जेठ ११ बुधबार ०८:३२:००

बेलकोटगढी नगरपालिकाका नवनिर्वाचित मेयर जगतबहादुर गुरुङले नगरपालिकाभित्रका स्वास्थ्य चौकीहरूका लागि सातवटा एम्बुलेन्स उपलब्ध गराउने पहिलो निर्णय गरेका छन् ।

मंगलबार पदभार ग्रहण गर्दै मेयर गुरुङले आफ्नो पहिलो प्राथमिकता स्वास्थ्यमा भएकाले एम्बुलेन्स खरिदका लागि आगामी आर्थिक वर्षको नीति तथा कार्यक्रममा सोही निर्णय समावेश गरी बजेट व्यवस्था गर्ने बताए ।

त्यस्तै, उनले ज्येष्ठ नागरिक, बालबालिका, अशक्त र असहायका लागि निःशुल्क एम्बुलेन्स सेवाको सुरुवात गर्नेसमेत निर्णय गरेका छन् । उनले पालिकाभित्रै प्रसूति सेवा उपलब्ध गराउने र स्वास्थ्य उपचारकाे दायरा फराकिलो बनाउने उल्लेख गरेका छन् ।

साथै नगरपालिकाभित्र उत्पादित कृषिजन्य उत्पादनको बजारीकरण र पूर्वाधारमा समेत विशेष जोड दिने उल्लेख गरे ।