- वि.सं २o७९ जेठ ९ सोमबार
लागुऔषधसहित पोखराबाट प्रहरीले तीनजनालाई पक्राउ गरेको छ । पक्राउ पर्नेमा पोखरा महानगरपालिका- २६ जरुवा बस्ने ३० वर्षीय किशोर परियार, पोखरा- ३१ लामास्वारा बस्ने ३१ वर्षीय बिक्की भन्ने विकास गुरुङ र पोखरा- २६ जरुवा बस्ने ३४ वर्षीय ज्ञानबहादुर पुन रहेको कास्कीका प्रहरी प्रवक्ता सुन्दर तिवारीले जानकारी दिए ।
इलाका प्रहरी कार्यालय सिसुवा कास्कीबाट खटिएको प्रहरी टोलीले पोखरा- २६ जरुवास्थित सडकमा शंकास्पद अवस्थामा हिँडिरहेको वेला जाँच गर्ने क्रममा उनीहरूको साथबाट लागुऔषध डाइजापाम ३० एम्पुल, फेनेरागन ३० एम्पुल, नुर्फिन ३० एम्पुल गरी ९० एम्पुल र नाइट्रोभ्याट १५ ट्याबलेट सँगै तीन थान मोबाइल पनि बरामद गरेको छ ।
पक्राउ परेकामाथि लागुऔषधसम्बन्धी मुद्दामा अनुसन्धान प्रक्रिया अगाडि बढाइएको तिवारीले जानकारी दिए ।
