- वि.सं २o७९ जेठ ५ बिहीबार
रुपन्देहीको मायादेवी गाउँपालिकाको अध्यक्षमा नेपाली कांग्रेसका उम्मेदवार ध्रुवनारायण चौधरी विजयी भएका छन् । उपाध्यक्षमा भने लोसपाकी नर्वदादेवी उपाध्याय विजयी भएकी छिन् । अध्यक्षमा चौधरी पाँच हजार तीन सय ८६ मत प्राप्त गरी विजयी भएका हुन् । उनका निकटतम् प्रतिद्वन्द्वी लोकतान्त्रिक समाजवादी पार्टी, नेपाल (लोसपा)का उम्मेदवार राम अधारे अहिरले चार हजार नाै सय ८८ मत प्राप्त गरेका थिए । अध्यक्ष पदमा विजयी चौधरी ०७४ सालमा सम्पन्न स्थानीय तहको निर्वाचनमा पनि गाउँपालिका अध्यक्षमा निर्वाचित भएका थिए ।
त्यसैगरी, उपाध्यक्षमा लोसपाकी उम्मेदवार नर्वदादेवी उपाध्याय चार हजार नाै सय ४२ मत प्राप्त गरी विजयी भएकी छिन् । उनकी निकटतम् प्रतिद्वन्द्वी कांग्रेसकी तारादेवी यादवले चार हजार आठ सय ८९ मत प्राप्त गरेकी छिन् । तारादेवी ०७४ को स्थानीय तह निर्वाचनमा गाउँपालिका उपाध्यक्षमा निर्वाचित भएकी थिइन् ।
