सल्यानको कपुरकोट गाउँपालिका वडा नम्बर १ मा गठबन्धनबाट चुनाव लडेका माओवादी केन्द्रका बालाराम खड्का विजयी भएका छन् । माओवादी केन्द्र र एकीकृत समाजवादीको तालमेलबाट चुनावी प्रतिस्पर्धामा रहेका उनी ४४५ मत ल्याएर अर्को पाँच वर्षका लागि वडाध्यक्षमा विजयी भएका हुन् ।
२०७४ को चुनावमा पनि खड्का वडाध्यक्षमा विजयी बनेका थिए । उनका निकटतम प्रतिद्वन्द्वी नेकपा एमालेका तेजबहादुर रानाले ३८५ मत प्राप्त गरेका छन् भने नेपाली कांग्रेसका हिरालाल घर्तीले ११८ मत पाएका छन् । यस वडामा जम्मा एक हजार १३ मत खसेको थियो ।