- वि.सं २o७९ बैशाख २६ सोमबार
नेपालले पाहुना टोली जिम्बावे एविरुद्धको तीन खेलको एकदिवसीय सिरिज जितेको छ । सोमबार भएको तेस्रो तथा अन्तिम एकदिवसीय क्रिकेटमा नेपालले जिम्बावेलाई ६ विकेटले पराजित गरेको हो । यससँगै नेपालले तीन खेलको सिरिज २–१ ले जितेको छ ।
टियु क्रिकेट मैदानमा जिम्बावेले दिएको २ सय १४ रनको लक्ष्य नेपालले ३०.१ ओभरमा ४ विकेट गुमाएर पूरा गरेको हो । नेपालको जितमा कुशल भुर्तेलले ८४ र दिपेन्द्र सिंह ऐरीले अविजित रहदै ६० रनको अर्धशतकीय योगदान गरे ।
आईसीसी पुरुष क्रिकेट विश्वकप लिग टु अन्तर्गत अमेरिकामा हुने त्रिकोणात्मक एकदिवसीय सिरिजको तयारीमा स्वरूप नेपाल र जिम्बावेबीच खेल भएको हो ।
यसअघि भएको तीन खेलको टी–ट्वान्टी सिरिज १–१ को बराबरीमा सकिएको थियो। एक खेल भने वर्षाका कारण रद्ध भएको थियो ।
