निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असार १२ आइतबार
  • Sunday, 26 June, 2022
फाइल फाेटाे ।
नयाँ पत्रिका काठमाडौं
२०७९ बैशाख ५ सोमबार १२:५०:००
Read Time : < 1 मिनेट
समाचार डिजिटल संस्करण

गठबन्धन मुलुकको वर्तमान आवश्यकता हो : नेता सिंह

Read Time : < 1 मिनेट
नयाँ पत्रिका, काठमाडौं
२०७९ बैशाख ५ सोमबार १२:५०:००

नेपाली कांग्रेसका नेता प्रकाशमान सिंहले गठबन्धन मुलुकको वर्तमान आवश्यकता भएको बताएका छन्। सामाखुसी यातायात प्रालिले सोमबार काठमाडौंमा आयोजना गरेको कार्यक्रममा उनले संविधान रक्षाका लागि गठबन्धन आवश्यक रहेको बताएका हुन्।

‘वैशाख ३० गते देशभर स्थानीय तहको निर्वाचन हुँदै छ। कार्यकर्ताको मन उच्च हुने गरी गठबन्धन हुन्छ,’ उनले भने। निर्वाचनकेन्द्रित भएर लाग्न नेता सिंहले सबैलाई आग्रहसमेत गरेका छन्।

नेता सिंहले मुलुकको अर्थतन्त्रमा यातायात व्यवसायीको महत्वपूर्ण भूमिका रहेको उल्लेख गर्दै यातायात व्यवसायीलाई राज्यले सम्मान गर्नुपर्ने बताए। उनले प्रजातान्त्रिक यातायात व्यवसायीले पार्टीको शुभेच्छुक संस्थाका रूपमा राखेको माग सम्बोधन गर्न आफू गम्भीर भएर लाग्ने प्रतिबद्धता व्यक्त गरे।

कांग्रेस काठमाडौंका सभापति कृष्णसबुज बानियाँले अब हुन लागेको स्थानीय तहको निर्वाचनमा संगठनको भावनालाई केन्द्रमा राखेर गठबन्धन गरिने बताए। उनले राजनीतिक मुद्दा सम्पन्न भएको भन्दै अब विकासकेन्द्रित अभियानमा लाग्नुपर्ने उल्लेख गरे।

कांग्रेसका महाधिवेशन प्रतिनिधि सुशील भट्टले कांग्रेसले स्थानीय तहको निर्वाचनमा जनाधार हेरेर उम्मेदवार खडा गर्नुपर्ने बताए। उनले नेताभन्दा नीतिमुखी व्यक्तिलाई उम्मेदवारका रूपमा पार्टीले अगाडि बढाउनुपर्ने उल्लेख गरे। रासस