Read Time : < 1 मिनेट
२o७८ चैत २२ मंगलबार २१:५o:oo
नापी कार्यालय चाबहिलका दुई कर्मचारी एक लाख रुपैयाँ घुससहित पक्राउ परेका छन् । सर्भेक्षक विनोद केसी र अमिन प्रकाशराज भट्टलाई अख्तियार दुरुपयोग अनुसन्धान आयोगको टोलीले मंगलबार पक्राउ गरेको हो ।
उनीहरूले बुढानीलकण्ठ–३ स्थित करिब १२ आना जग्गाको हालसाबिक गर्नका लागि एक लाख घुस मागेका थिए । सेवाग्राहीसँग घुस लिएलगत्तै उनीहरूलाई आयोगको टोलीले ललितपुरको लगनखेलबाट पक्राउ गरेको आयोगका प्रवक्ता श्यामप्रसाद भण्डारीले बताए ।
घुसका लागि सेवाग्राहीलाई उनीहरूले ललितपुर बोलाएका थिए । दुवै कर्मचारी पछिल्लो समय बुढानीलकण्ठअन्तर्गत नापी टोलीमा खटिएर काम गर्दै आएका थिए ।
