- वि.सं २o७८ चैत ९ बुधबार
संरक्षण क्षेत्रमा योगदान पुर्याएका सुरक्षाकर्मी र संरक्षणकर्मीलाई लामटाङ राष्ट्रिय निकुञ्जले सम्मान गरेको छ । बुधबार निकुञ्जको ४६औँ वार्षिकाेत्सवको अवसरमा संरक्षण क्षेत्रमा योगदान पुर्याएका सुरक्षाकर्मी, संरक्षणकर्मीहरूलाई कार्यालयले नगदसहित सम्मान गरेको हो ।
नेपाली सेनाको विष्णुदल गणका सुवेदार रेवतकुमार श्रेष्ठ, सशस्त्र प्रहरीका हवलदार केशव अधिकारी र नेपाल प्रहरीका जवान प्रकाश प्रजा, निकुञ्जका गेम स्काउट धनबहादुर घले, कल्र्पेश्वरी मध्यवर्ती उपभोक्ता समितिका पूर्वअध्यक्ष दीपक खनाल र संरक्षणकर्मी युवा प्रमोदकुमार तितुङलाई संरक्षण क्षेत्रमा योगदान पुर्याएबापत सम्मान गरिएको निकुञ्जले जनाएको छ । उनीहरूलाई जनही नगद ४ हजारसहित सम्मानपत्रद्वारा सम्मान गरिएको छ ।
निकुञ्जको संरक्षण क्षेत्रमा योगदान पुर्याएबापत उनीहरूलाई सम्मान गरिएको लामटाङ राष्ट्रिय निकुञ्ज कार्यालयका प्रमुख संरक्षण अधिकृत प्रमोद भट्टराईले बताए ।
त्यसैगरी, मुख्य प्रजातिको अवस्था सुधारः स्वस्थ वातावरण तथा समृद्धिको आधार भन्ने नाराका निकुञ्जको ४६औँ वार्षिकाेत्सव बनाएको छ । नेपालको पहिलो हिमाली राष्ट्रिय निकुञ्जसमेत रहेको लामटाङ राष्ट्रिय निकुञ्जले केक काटेर आफनो वार्षिकाेत्सव मनाएको छ ।
उत्सवको अवसरमा निकुञ्जले जंगली जनावरबाट क्षति पुगेका किसानहरूलाई क्षतिको अवस्था हेरी राहातस्वरूप रकम वितरण गरेको छ ।
