- वि.सं २o७८ फाल्गुण १५ आइतबार
सशस्त्र प्रहरीले नेपालगन्ज नाकाबाट अवैध लत्ताकपडा बरामद गरेको छ । अवैध रूपमा भित्रिरहेको सूचनाको आधारमा सशस्त्र प्रहरीको टोलीले नेपालगन्ज उपमहानगरपालिका–१५ पिप्रहवा नाकाबाट अवैध लत्ताकपडा बरामद भएको सशस्त्र प्रहरी बल नम्बर ३० गण वागेश्वरीले जनाएको छ ।
सशस्त्र प्रहरी सहायक निरीक्षक तीर्थ भाटको कमान्डको टोलीले आइतबार बिहान ४ बजे दुई लाख ७२ हजार ३८० रुपैयाँबराबरका अवैध लत्ताकपडा बरामद गरेको सशस्त्र प्रहरीले जनाएको छ ।
सशस्त्र प्रहरीका अनुसार, लेडिज सुट, लेडिज साडी, नेटको थान कपडा, थानको जेन्स अन्डरवेयरलगायत रहेका छन् । बरामद गरिएका लत्ताकपडा आवश्यक कारबाहीका लागि नेपालगन्ज भन्सार कार्यालयलाई बुझाइएको सशस्त्र प्रहरी बल नम्बर ३० गण वागेश्वरी जनाएको छ ।
