- वि.सं २o७८ माघ २४ सोमबार
इलाका प्रहरी कार्यालय जमुनाहले अवैध रूपमा नेपाल भित्र्याउँदै गरेको ठूलो परिमाणको अवैध सामान बरामद गरेको छ । भारतबाट लुकीछिपी ल्याउँदै गरेको एक लाख ३३ हजार ७६० रुपैयाँबराबरको अवैध सामान प्रहरीले बरामद गरेको हो ।
भन्सार छलेर ल्याउँदै गरेको सामान नेपालगन्ज उपमहानगरपालिका– १६, सुइयाबाट बरामद गरेको इलाका प्रहरी कार्यालय जमुनाहका इन्चार्ज सई मीनबहादुर विष्टले बताए । उनले बच्चाको ज्याकेट, टिसर्ट, धोती, कुर्तालगायतका बेवारिसे अवस्थामा रहेका लत्ताकपडा बरामद गरिएको बताए ।
प्रहरीलाई देखेपछि सामान ल्याउँदै गरेका तस्करहरू सामान छाडेर भागेको उनको भनाइ छ । बरामद गरिएको सामान थप कारबाहीका लागि नेपालगन्ज भन्सार कार्यालयको जिम्मा लगाइएको उनले जानकारी दिए ।
