प्रधानमन्त्री एवं कांग्रेस सभापति शेरबहादुर देउवा, एमाले अध्यक्ष केपी ओली र माओवादी केन्द्रका अध्यक्ष प्रचण्डबीच प्रधानमन्त्रीको सरकारी निवास बालुवाटारमा भेटवार्ता भएको छ । देउवालाई भेट्न ओली र प्रचण्ड आइतबार प्रधानमन्त्रीको सरकारी निवास बालुवाटार गएका हुन् । प्रधानमन्त्रीबाट हटेपछि ओली पहिलोपटक बालुवाटार पुगेका हुन् ।
भेटवार्तामा एमाले महासचिव शंकर पोखरेल र कांग्रेस नेता एवं सञ्चारमन्त्री ज्ञानेन्द्रबहादुर कार्की पनि सहभागी छन् । स्थानीय तहको निर्वाचन, एमसिसी र संसदको अवरोधबारे छलफल भएको बताइएको छ ।