- वि.सं २o७८ माघ १८ मंगलबार
रौतहटमा बाघको आक्रमणबाट एक युवक घाइते भएका छन् । चन्द्रपुर नगरपालिका–५ घर भएका युवकलाई वनमा घाँस लिन जाँदा बाघले आक्रमण गरेको हो । २२ वर्षीय प्रदीप चौधरीलाई बाघले घाइते बनाएको रंगपुर साझेदारी वन उपभोक्ता समितिका अध्यक्ष जितेन्द्र चौधरीले जानकारी दिए ।
उनी रंगपुर साझेदारी वनको क्षेत्रमा साँझ घाँस लिन गएका थिए । बाघको आक्रमणबाट चौधरीको पाखुरा र पेटमा चोट लागेको स्थानीय तीर्थ चौधरीले जानकारी दिए । घाइते चौधरीको स्थानीय स्वास्थ्य चौकीमा उपचार भइरहेको छ ।
रौतहटका वनमा बाघ गणनाका लागि ३२ वटा क्यामेरा जडान गरिएको छ ।
