- वि.सं २o७८ पौष १७ शनिबार
माओवादी केन्द्रको निर्वाचन कार्यतालिका संशोधन भएको छ । संशोधित कार्यतालिकाअनुसार उम्मेदवारको मनोनयन दर्ताको समय आइतबार दिउँसो २ बजेदेखि साढे ३ बजेसम्म तोकिएको छ । आइतबार दिउँसो ३ः४० बजे उम्मेदवारको मनोनयनपत्र दर्ताको सूची प्रकाशित गरिनेछ ।
दिउँसो ४ बजेसम्म उम्मेदवारको विरोधमा उजुरी दिने समय छुट्याइएको छ । साँझ पौने ६ बजे उम्मेदवारको अन्तिम नामावली प्रकाशित गरिनेछ । आइतबार साँझ ६ः२५देखि राति १०ः२५ बजेसम्म मतदानको समय निर्धारण गरिएको छ ।
मतदान समाप्त भएपछि मतगणना गरिने माओवादी केन्द्रको निर्वाचन आयोगका अध्यक्ष विष्णुपुकार श्रेष्ठले जानकारी दिए । 
