Skip This
मंगलबार रातिदेखिको हिमपातले कर्णालीको प्रमुख पर्यटकीयस्थल रारातालमा करिब एक फिट हिउँ जमेको छ । बिहीबार मौसम खुलेसँगै रारातालसहित आसपासका क्षेत्र हिउँले सेताम्य टल्किएका छन् । रारा राष्ट्रिय निकुञ्ज कार्यालयका अनुसार बिहीबार हिउँ हेर्न रारातालमा सातजना पुगेका छन् । बिहीबार दिउँसो घाम लागेपछि राराताल टल्किएर निकै रमणीय देखिएको छ । रारा आउने बाटो सल्लेरी, लामाचौर, जेउडे खोला र चुच्चेमारामा जमेको हिउँले अवरोधसमेत गरेको स्थानीयको भनाइ छ ।
