- वि.सं २o८१ बैशाख ३१ सोमबार
नेपाल बारको प्रतिनिधिमण्डलले नेकपा माओवादी केन्द्रका अध्यक्ष पुष्पकमल दाहाल प्रचण्डलाई भेटेको छ। माओवादी संसदीय दलको कार्यालय सिंहदरबारमा भएको भेटमा बारका अध्यक्ष चण्डेश्वर श्रेष्ठले न्यायालयमा देखिएको समस्याबारे दलहरू मौन बस्न नमिल्ने भन्दै ध्यानाकर्षण गराएका छन्।
यसअघि नेपाल बारले प्रधानमन्त्री शेरबहादुर देउवा, नेकपा एकीकृत समाजवादीका अध्यक्ष माधवकुमार नेपाललगायतका नेताहरूलाई भेटेर ध्यानाकर्षण गराएको थियो। प्रधानन्यायाधीश चोलेन्द्रशमशेर जबराको राजीनामा माग गर्दै नेपाल बार आन्दोलनमा छ। बारले जबराको विरुद्धमा विभिन्न चरणमा आन्दोलन गर्दै आएको छ।
