टर्निङ प्वाइन्ट्स-२०२२फ्रन्ट पेजमुख्य समाचारसमाचारदृष्टिकोणअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीयस्वास्थ्य र जीवनशैलीसाहित्य१३औँ वार्षिकोत्सव विशेषांकफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७८ माघ १४ शुक्रबार
  • Friday, 28 January, 2022
नयाँ पत्रिका काठमाडौं
२०७८ मङ्सिर १२ आइतबार ०७:१६:००
Read Time : < 1 मिनेट
अर्थ प्रिन्ट संस्करण

नबिलको सामाजिक उद्यमशीलता कार्यक्रम सुरु

Read Time : < 1 मिनेट
नयाँ पत्रिका, काठमाडौं
२०७८ मङ्सिर १२ आइतबार ०७:१६:००

नबिल बैंकले सामाजिक उद्यमशीलता विकासका लागि ‘नबिल सामाजिक उद्यमशीलता’ कार्यक्रम सुरु गरेको छ । बैंकले उद्यमशीलताको माध्यमबाट सामाजिक समस्याको दीर्घकालीन समाधान गर्ने सोचमा आधारित उद्यमलाई प्रवद्र्धन गर्न कार्यक्रम सुरु गरेको हो । यस कार्यक्रमले आर्थिक, सामाजिक रूपान्तरणलाई बढावा दिने बैंकले विश्वास व्यक्त गरेको छ । कार्यक्रमले स्थानीय समुदायको सामाजिक उद्यम क्षमता र नेतृत्व विकासका लागि आवश्यक सीप तथा वित्तीय सहयोग उपलब्ध गराउने जनाइएको छ । 

सामाजिक उद्यमशीलतामा प्रमाणपत्र कार्यक्रम र फेलोसिप कार्यक्रम गरी दुई किसिमका कार्यक्रम तय गरेको बैंकले जनाएको छ । सुरुवाती चरणमा सामाजिक उद्यमशीलतामा प्रमाणपत्र कार्यक्रमलाई कार्यान्वयनमा ल्याउन बैंकले सातै प्रदेशका एक–एक कलेज वा विश्वविद्यालयसँग सम्झौता गरेको जनाइएको छ । प्रदेश नम्बर १ को महेन्द्र मोरङ आदर्श मल्टिपल क्याम्पस, प्रदेश २ को वीरगन्ज पब्लिक कलेज, बागमती प्रदेशको क्याम्पियन कलेजसँग सम्झौता गरेको बैंकले जनाएको छ ।

त्यस्तै, गण्डकीमा पोखरा विश्वविद्यालयको ह्युमानिटिज एन्ड सोसल साइन्स फ्याकल्टी, लुम्बिनीको क्षितिज इन्टरनेसनल कलेज, कर्णालीको सुर्खेत मोडल कलेज र सुदूरपश्चिमाञ्चलको सुदूरपश्चिमाञ्चल एकेडेमीसँग सम्झौता गरेको बैंकले उल्लेख छ । 

कार्यक्रमले प्रत्येक प्रदेशमा एक सयजनाका दरले वार्षिक सात सय विद्यार्थीलाई सामाजिक उद्यमी बन्ने अवसर सिर्जना गर्ने बैंकले जनाएको छ ।  त्यसैगरी, तालिममा आधारित फेलोसिप कार्यक्रम काठमाडौंमा त्रिभुवन विश्वविद्यालयको व्यवस्थापन संकायको स्कुल अफ म्यानेजमेन्टसँग सम्झौता गरेको जनाइएको छ । एक वर्षसम्मको आवश्यक सहयोगसहित ४० सहभागीलाई संलग्न गराउने यो कार्यक्रम ६ महिने सिकाइमा आधारित हुने बैंकले जनाएको छ । कार्यक्रमले १८ देखि ५० वर्षभित्रका व्यक्तिलाई उद्यमको सुरुवात गर्न सक्षम बनाउने लक्ष्य राखेको जनाइएको छ ।