देशभर थप तीन सय आठजनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले बिहीबार सार्वजनिक गरेको विवरणअनुसार पछिल्लो २४ घन्टामा पिसिआर परीक्षणमा दुई सय ८१ र एन्टिजेन परीक्षणमा २७ जनामा संक्रमण देखिएको हो ।
यो अवधिमा सात हजार एक सय चारजनाको पिसिआर परीक्षण र एक हजार आठ सय पाँचजनाको एन्टिजेन परीक्षण गरिएको थियो।
हाल देशभर सात हजार तीन सय ४९ जना सक्रिय संक्रमित रहेका छन् । बिहीबार दुई सय ९८ जना कोरोना संक्रमणमुक्त भएका छन्।
पछिल्लो २४ घण्टामा तीनजना संक्रमितको मृत्यु भएको छ । हालसम्म मृत्यु हुने संक्रमितको संख्या ११ हजार पाँच सय १६ पुगेको छ।