Read Time : < 1 मिनेट
२०७८ कार्तिक ८ सोमबार ११:०२:००
प्रहरीले काठमाडौंबाट ११ जना अफगानी नागरिकलाई पक्राउ गरेको छ। सिनामंगलको एक होटेलबाट उनीहरूलाई सोमबार बिहान पक्राउ गरिएको सिआइबीका प्रवक्ता श्यामकुमार महतोले बताए। ‘सिनामंगलको एक होटेलमा विदेशी नागरिक लुकिछिपी बसेका छन् भन्ने सूचनाका आधारमा उनीहरूलाई पक्राउ गरेका हौँ,’ उनले भने, ‘अहिले सोधपुछको क्रम चलेको छ। के गर्ने भन्ने टुंगो लाग्दै छ।’
अफगानिस्तानमा तालिवानले सत्ता लिएपछि देश छोड्नेको संख्या बढेको छ। उनीहरू पनि त्यही क्रममा भारत हुँदै नेपाल प्रवेश गरेको देखिएको छ। उनीहरूको साथबाट भारतीय कागजात पनि प्रहरीले बरामद गरेको छ। ती कागजातबारे पनि अनुसन्धान भइरहेको प्रहरीले जनाएको छ।