- वि.सं २o७८ कार्तिक ७ आइतबार
कान्ति राणा सिंहको चौरासी व्यञ्जन पुस्तक सार्वजनिक भएको छ । गत आइतबार आयोजित कार्यक्रममा डा. आरजु राणा देउवा, वरिष्ठ अधिवक्ता लोकभक्त राणा र लेखककी आमा लक्ष्मी राज्यलक्ष्मी राणाले संयुक्त रूपमा पुस्तक विमोचन गरेका हुन् ।
कार्यक्रममा वरिष्ठ अधिवक्ता लोकभक्त राणाले चौरासी व्यञ्जन पुस्तकको नाम नै निकै आकर्षक रहेको बताए । उनले भने, ‘यो पुस्तकमा शाकाहारी, मांसाहारी, व्रत बसेको समयमा खाने खाना, बिरामीले खाने खानालगायतका समग्र परिकार बनाउने तरिकाबारे उल्लेख भएकाले सबैका लागि उपयोगी छ ।’
यस्तै, डा. देउवाले पुस्तकले समग्र सल्याणी र राणाहरूको खानपान संस्कृतिलाई समेटेको बताइन् । लेखक कान्ति राणा सिंहले पुस्तक लकडाउनको समयमा रचना गरेको बताइन् । उनले सानैदेखि आमाले बनाएका विभिन्न परिकारहरू हेर्दै हुर्किएको र यस्ता परिकार बनाउने विधिलाई डकुमेन्टेसनको प्रयासस्वरूप पुस्तक तयार भएको बताइन् ।
