- वि.सं २o७८ असोज ३१ आइतबार
प्रदेश–२ को लोकसेवा आयोगले आयोगलाई गालीगलौज गर्ने आवेदकलाई कालो सूचीमा राखेको छ। आयोगका अनुसार महोत्तरी बथनाहाका प्रनितकुमार झालाई एक वर्षका लागि कालो सूचीमा राखिएको हो।
आयोगका अनुसार झाले इमेलमार्फत सोधपुछ गर्ने क्रममा गाली गलौजयुक्त शब्द प्रयोग गरेका थिए । असोज ६ मा बसेको आयोगको बैठकले झालाई एक वर्षका लागि कालो सूचीमा राख्ने निर्णय गरेको आयोगले जनाएको छ। यस अवधिमा झा आयोगका कुनै पनि परीक्षामा सहभागी हुन पाउने छैनन्।
