- वि.सं २०७८ असोज ३० शनिबार
पछिल्लो २४ घण्टामा देशभर ७८५ जना कोभिड–१९ संक्रमित थपिएका छन् । स्वास्थ्य तथा जनसंख्या मन्त्रालयले १२ हजार १९५ नमुना परीक्षण गर्दा सो संख्यामा नयाँ संक्रमित थपिएका हुन् । सात हजार २३३ जनाको पिसिआर विधिबाट गरिएको परीक्षणमा ६६३ जनामा र चार हजार ९६२ जनाको एन्टिजेन विधिबाट गरिएको परीक्षणमा १२२ जनामा संक्रमण पुष्टि भएको मन्त्रालयले जनाएको छ ।
यो अवधिमा नेपालमा कोरोना भाइरस संक्रमणका कारण थप १२ जनाले ज्यान गुमाएका छन् भने ८८८ जना संक्रमण मुक्त भएका छन् । योसँगै अब नेपालमा १४ हजार ७८७ सक्रिय संक्रमित छन् । आज देशभर एक लाख २७ हजार ५३२ जनाले कोरोना भइरसविरुद्धको खोप लगाएका मन्त्रालयको तथ्यांकमा उल्लेख छ ।
