- वि.सं २०७८ मङ्सिर २० सोमबार
पछिल्लो २४ घन्टामा देशभर एक हजार एक सय ५८ जनामा कोभिड– १९ संक्रमण पुष्टि भएको छ। १४ हजार तीन नमुनाको परीक्षण गर्दा सो संख्यामा संक्रमित भेटिएका स्वास्थ्य तथा जनसंख्या मन्त्रालयले जनाएको छ।
देशभर पिसिआर विधिबाट ११ हजार ६ सय ७२ नमुनाको परीक्षण गर्दा नै सय चारजनामा तथा एन्टिजेन विधिबाट दुई हजार तीन सय ३१ नमुना परीक्षण गर्दा दुई सय ५४ जनामा संक्रमण पुष्टि भएको मन्त्रालयले जारी गरेको तथ्यांकमा उल्लेख छ।
यो समयमा कोरोना भाइरस संक्रमणका कारण नेपालमा थप १२ जनाले ज्यान गुमाएका छन् भने एक हजार तीन सय १८ जना संक्रमणमुक्त भएका छन्। योसँगै सक्रिय संक्रमितको संख्या १८ हजार चार सय २२ पुगेको छ।
मन्त्रालयका अनुसार मंगलबार दुई लाख आठ हजार ९० जनाले कोभिड– १९ को खोप लगाएका छन्।
