आइसिसी विश्वकप लिग २ मा नेपालले ओमानलाई सात विकेटले हराएको छ । ओमानले दिएको एक सय २२ रनको लक्ष्य नेपालले  १८ ओभर २ बलमा लक्ष्य भेटेको हो । 

नेपालका लागि कप्तान ज्ञानेन्द्र मल्लले अर्धशतक प्रहार गरे । उनले ४६ बलमा २ छक्का र ४ चौकासहित ५२ रन बनाए ।

यसअघि टस जितेर फिल्डिङ रोजेको नेपाली बलरहरूले उत्कृष्ट प्रदर्शन गरेका थिए । नेपालका लागि सन्दीप लामिछाने  र करण केसीले समान चार–चार विकेट लिएका थिए । यसअघि नेपाल ओमानसँग ६ विकेटले पराजित भएको थियो ।