- वि.सं २o७८ भदौ ३० बुधबार
गृह मन्त्रालयले ललितपुर र भक्तपुरसहित १२ जिल्लाका सिडिओको सरुवा गरेको छ । मन्त्रीस्तरीय निर्णयबाट गृहको आन्तरिक व्यवस्थापन महाशाखामा रहेका सहसचिव घनश्याम उपाध्यायलाई ललितपुरको सिडिओ बनाइएको छ । त्यस्तै, गुल्मीका सिडिओ रुद्रादेवी शर्मालाई भक्तपुरमा सरुवा गरिएको छ । उनको ठाउँमा पुण्यविक्रम पौडेल पुगेका छन् ।
गोरखामा शंकर अर्याल, मोरङमा काशीराज दाहाल, रामेछापमा दीपक पहाडी, संखुवासभामा नूरहरि खतिवडा, दोलखामा टेकराज निरौला, चितवनमा आश्मान तामाङ, धादिङमा कृष्णा लम्साल, उदयपुरमा वीरेन्द्र यादव र रुपन्देहीमा ऋषि तिवारीलाई सिडिओको जिम्मेवारी दिइएको छ ।
