- वि.सं २o७८ भदौ १३ आइतबार
कृष्ण जन्माष्टमीको दिन भक्तजनको भिड लाग्ने पाटनको कृष्ण मन्दिरमा यो वर्ष भक्तजनलाई मन्दिर प्रवेशमा रोक लगाइने भएको छ । सोमबार कृष्ण जन्माष्टमीमा भक्तजनले मन्दिरको बाहिरैबाट दर्शन गरेर फर्कनुपर्नेछ ।
मन्दिरका पुजारी प्रतापधर शर्माले कोभिड–१९ महामारीका कारणले स्थानीय जनप्रतिनिधि, पुजारी, मंगल टोल सुधार संघ, प्रमुख जिल्ला अधिकारीलगायतको निर्णयबाट मन्दिरको पेटीमै भक्तजनलाई पूजा गर्न दिने निर्णय भएको बताए । उनका अनुसार मन्दिरको पेटीमा कलश राखिनेछ । भक्तजनले त्यसमै पूजा गर्न पाउनेछन् ।
मन्दिरको ढोका खुला हुने भए पनि भक्तजन प्रवेशमा रोक लगाइएको छ । कोरोना संक्रमणलाई ध्यानमा राख्दै मन्दिर परिसरमा भिडभाड गर्न नदिने निर्णय भएको छ ।
