![](https://nayapatrika.blr1.cdn.digitaloceanspaces.com/news/images/manohara-khola2021-08-29-03-53-17.jpeg)
मनोहरा खोलाले बगाउँदा एक महिलाको ज्यान गएको छ। प्रहरीले आइतबार विहान बागमती र मनोहरा नदी क्षेत्रमा बग्दै गरेको अवस्थामा अन्दाजी ४०/४५ वर्षीय महिलाको शव फेला पारेको हो।
मृतक महिलाको ठेगाना नखुलेको महानगरीय प्रहरी प्रभाग मंगलबजारले जनाएका छ। प्रभागका इन्सपेक्टर रामकृष्ण श्रेष्ठले शंखमुल साइटमा बग्दै गरेको अवस्थामा शव फेला परेको बताए। बालकोट क्षेत्रबाट खोलाले बगाएको हुनसक्ने उनले जानकारी दिए। आइतबार विहानैदेखि परेको झरीसँगै बागमती, विष्णुमती, मनोहरा, धोविखोलाकोे बहाव बढेको छ।