- वि.सं २o७८ भदौ ११ शुक्रबार
नेपाली कांग्रेसका उपसभापति विमलेन्द्र निधिले सम्पर्क कार्यालय खोलेका छन् । आज शुक्रबार काठमाडौंको बानेश्वरस्थित बानेश्वर बैंक्वेटमा निधिले सम्पर्क कार्यालय खोलेका हुन् । उनले पानसमा बत्ती बालेर र वरपिपलमा सिञ्चन गरेर कार्यालयको उद्घाटन गरे ।
पार्टीको १४औँ महाधिवेशन नजिकिँदै गर्दा सभापतिका दाबेदार मानिएका निधिले आफ्नोतर्फबाट तयारी सुरु गरेका हुन् । प्रधानमन्त्रीसमेत रहेका पार्टी सभापति शेरबहादुर देउवाले सभापतिमा दाबेदारी नगर्न र आफूलाई सहयोग गर्न आग्रह गर्दै आए पनि निधिले सभापतिमा उम्मेदवारी दिने पक्का भएको छ ।
