Skip This
बेलायतको लन्डनमा भूतपूर्व गोर्खा सैनिकहरूले सुरु गरेको भोक हडताल १४औँ दिनमा तोडिएको छ। बेलायतका लागि नेपाली राजदूत लोकदर्शन रेग्मी र बेलायत सरकारका प्रतिनिधिको रोहवरमा अनशन तोडिएको हो। भूपू गोर्खाहरूको पेन्सनलगायतका विषयमा गोर्खा प्रतिनिधि, नेपाल सरकार र बेलायत सरकारबीच त्रिपक्षीय वार्ता २३ भदौमा हुने सहमति भएको छ।
भूतपूर्व गाेर्खा सैनिकहरूका तर्फबाट ज्ञानराज राई, पुष्पा घले र धनबहादुर गुरुङलगायत अनशनमा बसेका थिए। नेपाल र बेलायत सरकारबीच भूपू सैनिक गोर्खा सत्याग्रह संयुक्त संघर्ष समितिका प्रतिनिधिको रोहवरमा वार्ता हुने समितिका सल्लाहकार रविन चाम्लिङ राईले जानकारी दिए।
संघर्ष समितिले नेपाल सरकार, राजनीतिक दल, नागरिक समाज, बुद्धिजीवी, संघसंस्था, सञ्चारमाध्यमलगायत सबैलाई धन्यवाद दिएको छ। गोर्खा सत्याग्रह संयुक्त संघर्ष समितिका संयोजक कृष्णबहादुर राईलगायतले अनशनमा अगुवाइ गरेका थिए।
यो पनि
बेलायतमा अनशन, सर्वोच्चमा मुद्दा : दुई शताब्दी लामो अन्यायविरुद्ध गोर्खा सैनिकको संघर्ष
