- वि.सं २o७८ भदौ २ बुधबार
अफगानिस्तानको काबुलबाट बिहीबारसम्म एक हजार नेपाली स्वदेश आइपुग्ने भएका छन् । दिल्लीस्थित नेपाली दूतावासका अनुसार काबुलमा ग्रिन जोनमा रहेका करिब एक हजार पाँच सय नेपालीको उद्धार र सुरक्षाको सबै प्रबन्ध सुनिश्चित भएको छ ।
दूतावासका उपनियोग प्रमुख रामप्रसाद सुवेदीले नयाँ पत्रिकासँग टेलिफोनमा भने, ‘उहाँहरूको चिन्ता मान्नुपर्ने अवस्था अब छैन, ‘बिहीबारसम्म ग्रिन जोनमा रहेका सबैको व्यवस्थापन भइसक्छ । त्यसपछि अवैधानिक रूपमा त्यहाँ रहनुभएकाहरूलाई उद्धार गर्नेतर्फ हामी अघि बढ्छौँ ।’
