- वि.सं २o७८ श्रावण २५ सोमबार
सांसदबाट पदमुक्त भएका जनता समाजवादी पार्टी (जसपा)का तीन सांसदको मुद्दामा सर्वोच्च अदालतले अन्तरिम आदेशबारे छलफलका लागि बोलाउने आदेश दिएको छ । लुम्बिनी प्रदेश सभा सांसद पद गुमाएका विजयबहादुर यादव, सन्तोषकुमार पाण्डेय र कल्पना पाण्डे लम्सालको मुद्दामा न्यायाधीश ईश्वरप्रसाद खतिवडाको एकल इजलासले यस्तो आदेश गरेको हो ।
मुद्दामा सांसद पद कायम गर्न अन्तरिम आदेश माग गरिएको थियो । सर्वोच्चले उनीहरूको मागबमोजिम अन्तरिम आदेशबारे छलफलका लागि भदौ ८ गते दुवै पक्षलाई बोलाउने आदेश गरेको छ । रिटमा प्रदेश सभा सचिवालयलगायतलाई विपक्षी बनाइएको छ ।
