- वि.सं २o७८ श्रावण १८ सोमबार
एमालेको माधव नेपाल समूहले पार्टी एकतालाई जोगाउन थप पहल गर्ने निर्णय गरेको छ । नेपाल समूहको सोमबार बसेको स्थायी कमिटीको बैठकले पार्टी एकतामा जोड दिएको सचिव भीम आचार्यले नयाँ पत्रिकालाई जानकारी दिए ।
आचार्यका अनुसार पार्टी एकतालाई निष्कर्षमा पु¥याउन लाग्नुपर्नेमा नेताहरूले जोड दिएका छन् ।
अध्यक्ष केपी ओली पक्षलाई एकलौटी रूपमा निर्णय नगर्न बैठकले आग्रह गरेको उपाध्यक्ष युवराज ज्ञवालीले जानकारी दिए । अध्यक्ष ओलीको अभिव्यक्तिले एकतामा अवरोध सिर्जना गरेको भन्दै नेपाल समूहको स्थायी कमिटी बैठकले गम्भीर बन्न सचेतसमेत गराएको छ ।
दोस्रो तहका नेताहरुले एकताको पहल गरिरहेको बेला केही दिनअघि ओलीले नेपालविरुद्ध गम्भीर आरोप लगाएका थिए । एकताका लागि जोड दिएपनि ओली र नेपालले हालसम्म अडान छाडेका छैनन् ।
