- वि.सं २o७८ श्रावण १४ बिहीबार
पछिल्लो २४ घन्टामा देशभर तीन हजार तीन सय ६५ जना कोरोना संक्रमित थपिएका छन् । पिसिआर परीक्षणमा दुई हजार तीन सय ३५ र एन्टिजेन परीक्षणमा एक हजार ३० जनामा संक्रमण पुष्टि भएको छ ।
यो अवधिमा नौ हजार पाँच सय ५५ पिसिआर परीक्षण र चार हजार ६ सय ८७ जनाको एन्टिजेन परीक्षण गरिएको थियो ।
स्वास्थ्य तथा जनसंख्या मन्त्रालयका अनुसार पछिल्लो २४ घन्टामा एक हजार तीन सय ७३ जना डिस्चार्ज भएका छन् । हालसम्म ६ लाख ५० हजार चार सय ४५ जना कोरोना संक्रमणमुक्त भएका छन् ।
बिहीबार १६ जना कोरोना संक्रमितको मृत्यु भएको छ । हालसम्म नौ हजार आठ सय सातजना कोरोना संक्रमितको मृत्यु भएको छ ।
