- वि.सं २o७८ असार १५ मंगलबार
पाकिस्तान सरकारले कोभिड– १९ महामारीविरुद्धको लडाइँमा नेपाललाई चार करोड ३० लाख रुपैयाँ सहयोग गरेको छ । नेपालका लागि पाकिस्तानी राजदूत सैयदहैदर शाहले सिंहदरबारमा मंगलबार प्रधानमन्त्री कार्यालयका सचिव डा. खगराज बराललाई चेक हस्तान्तरण गरेका छन् ।
दक्षिण एसियाली क्षेत्रीय सहयोग संगठन (सार्क)को सदस्य मुलुक पाकिस्तानले सार्क मुलुकहरूका लागि छुट्याएको कोभिड– १९ आपतकालीन कोषबाट नेपाललाई सहयोग गरेको हो । पाकिस्तानी राजदूत शाहले नेपाललाई निरन्तर सहयोग गर्ने प्रतिबद्धतासमेत जनाएका छन् ।
प्रधानमन्त्री कार्यालयका सचिव डा. बरालले आपतको समयमा सहयोग गरेकोमा पाकिस्तान सरकारलाई धन्यवाद दिएका छन् । पाकिस्तानी राजदूत र सचिव डा. बरालबीचको भेटवार्तामा परराष्ट्र मन्त्रालय तथा पाकिस्तानी दूतावासका अधिकारीहरू सहभागी थिए ।
2024-09-18-01-30-27.gif)
2024-09-18-01-30-29.gif)
